هنوفر ثمن الزبادى وهنعمله من النهارده فى بيتنا ~ من الاخر

هنوفر ثمن الزبادى وهنعمله من النهارده فى بيتنا

السلام عليكم ورحمة الله وبركاته
اعزائى زوارنا الكرام تحية طيبة
جبتلكم النهارده طريقة علم الزبادى فى البيت
طبعا كلنا بنجيب الزبادى الجاهزة وعرفين اد ايه هى مكلفة غير انها كمان كمية صغيره يعنى مش بتشبع خالص
فجبتلكم النهارده طريقة عملها وعى سهلة وبسيطة خالص
بصوا المقادير عباره عن
1- لتر لبن
2- كوب زبادى بلدى

الطريقة :-
- اول حاجه نحط اللبن على النار ونفضل نقلب فيه كل شويه لحد ما نلقيه خلاص هيفور نطفى عليه النار ونسيبه يبرد
- وبعدين نفتح الفرن خمس دقايق يسخن وبعدين نطفى الفرن .
- لما اللبن يكون برد يعنى نقدر نلمسه عادى نظيف عليه كوباية الزبادى
- نقلب اللبن والزبادى كويس جدا
- نجهز الكوبيات اللى هنحط فيها الزبادى وتكون كوبيات نشفه خالص مفهاش مياه
- نصب اللبن فى الكوبيات ونحطه فى صنيه وندخله الفرن ونسيبه من 6 ساعات الى 8 ساعات طبعا زى ما قولنا الفرن يدوب سبناه يسخن فى الاول هندخل فيه الكوبيات وهو دافى
- بعد المدة دى هنلقى الزبادى بقى جاهز خلاص ممكن بقى نحطه فى التلاجه .
يارب تكون طريقتى فى عمل الزبادى كانت سهله وتكون عجبتكم
وبالف هنا وشفا
والسلام عليكم ورحمة الله وبركات